uz-fp.com сайти таҳлилчиларининг фикрига кўра, “Шармандага шаҳар кенг” мақоласининг туб моҳиятига кўпчилик ҳам тушуниб етавермаса керак. Бу дегани, шаҳарнинг исталган ерида туриб ҳам шаллақилик қилиш, бақириш, чақириш, алдаш ва яна алланималар. Одам одатда ёнидаги қўшнисиниям эшитгиси келмайди. Шармандалар эса ҳеч нарсадан тап тормайдилар ва уялмайдилар! Ҳатто ҳеч кимдан кечирим ҳам сўрашмайди. Футболимизда учраётган воқеа ва ҳодисаларни шунга қиёслаш мумкин. Мағлубият кетидан мағлубият... Ўз майдонимиздами, меҳмондами бизга фарқи бўлмай қолди: ишқилиб эсон-омон мағлубиятга учраб олсак бўлди. Футболчиларда ғалаба қозониш учун ҳеч қандай рағбат йўқдек, назаримизда. Тўғри-да, мағлубиятга учрагани учун футболчиларга 20 кг.дан пул берилгандан кейин жонини ортиқча койитармиди? Бир режиссёрнинг асари саҳнада қўйилаётган пайтда у саҳна пардасини очиб қарабди-да: “залнинг ярми бўм-бўшку?!” деса, унинг ёнидаги шотирлари: “нега ундай дейсиз, қаранг, залнинг ярми минг-минг одам, томошабин!” дейишган экан. Ҳозир ҳам баъзи футбол федерациясидаги раҳбарларга терма жамоамиз охирги ўринни эгаллади-ку? десангиз, нега ундай дейсиз, терма жамоамиз охиридан биринчи ўринни банд этди, дейишади кўзларини лўқ қилиб. Айрим катта футбол раҳбарларимиз эса, ўзларини гўёки олдиндан суғурталаб олишган. “Мен ҳеч қачон термамиз бу йил ЖЧ га чиқади, демаганман. Ҳали тайёр эмасмиз. 2014 йилгача бир гап бўлар қабилида иш кўришади”. Умуман терма жамоамизнинг 4-босқичдаги ўйинларини таҳлил қилиб чиқадиган бўлсак, 10 та жамоа орасида 9-ўринни эгаллаганини кўрамиз. Биздан фақатгина БАА кучсизроқ иштирок этди. Биз 24 имкониятдан 4 очкогина жамғардик. Австралия эса аксинча, 24 имкониятдан 20 та очко тўплади. Бугунги натижамиз шу пайтгача иштирок этган барча мусобақаларимиздан энг ёмон, шармандали кўрсаткичидир. uz-fp.com сайти таҳлилчиларининг фикрига кўра, ўзингиз ўйлаб кўринг, термамиз 8 та учрашув ўтказиб, шунинг 6 тасини!!! мағлубият билан якунлади. Бу эса ўзбек футболининг пасайиб бораётганидан дарак беради. Демак, катта футболимизда катта ўзгаришлар қилиш даври келди. Фақат буни ким амалга оширади? Ахир балиқ бошидан сасигани билан думидан тозаланади-ку, тўғрими? 1
Манба:
|