“Ҳурматли футбол ишқибозлари! Мақолада долзарб мавзу кўтарилибди. Яшанглар! Лекин менинг футбол мутасаддиларидан ранжиган томоним бор. Ҳақиқатдан ҳам термани бир кун қолганда эмас, 4-5 кун олдин юборса бўлмайдими? Бизга ғалаба сув билан ҳаводек керак-ку?! Шунинг учун, ЎФФ дагилар, тезда ақлни йиғиб олиб, қолган тайёргарликни Баҳрайнда ўтказинглар, тамом-вассалом! Бизга ҳеч қандай баҳонанглар кетмайди! Тўяр бўлса тўйиб бўлдик сизларнинг найрангларингдан!!! Д.Каттабеков, Тошкент вилояти.”

“Менинг бир эътирозим бор. Нега ҳамма терма жамоанинг Баҳрайнга қачон боришига ёпишиб қолди?! Нима, бошқа қиладиган ишларингиз йўқми? Дунё тажрибасидан маълум, Агарда ўйин бошланишидан бир оз олдин келинса ҳеч қандай об-ҳавога кўникишнинг кераги йўқ. Кейин, яна бир гап. Бизнинг терма жамоа 1 кун олдин борадими, 1 ҳафта олдин борадими, 1 ой ёки 1 йил олдин борадими – барибир Баҳрайнга ютказади. Шунинг учун ўзингизни ҳозирдан руҳан мағлубиятга тайёрлайверинг! Б.Қодиров, Тошкент шаҳри.”

“Мақолада ҳақиқий футбол ишқибозларининг фикрлари билдирилган! Жудаям тўғри. Ўйиндан анча олдин бориб олиш керак Баҳрайнга. Нима қилади Тошкентда улар? Авваллари баҳона бор эди, легионерларимиз бор, уларни кутаяпмиз деб. Энди-чи? Кетаверинглар ўйинга пухта тайёргарлик кўриш учун! Кейин мағлубиятга учраб йиғлаб юрманглар, Шармандалар терма жамоаси. К.Қиличев, Ургенч шаҳри.”

Uz-fp.com сайтига мана шундай мазмундаги электрон мактублар келиши давом этмоқда. Биз уларни вақти-вақти билан чоп этиб борамиз. Ҳурматли сайтимизга ташриф буюрувчилар, бу борада сизларнинг ҳам электрон мактубларингизни кутиб қоламиз.